ដោយ : បន្ទាយ
កំពង់ធំ៖ យុវតី៣នាក់លង់ទឹកស្លាប់ ខណៈនាំគ្នាចុះលេងទឹកស្រះ។ ករណីនេះនៅម៉ោងប្រមាណ១៤និង២៥នាទី រសៀលថ្ងៃទី១៨ ខែវិច្ឆិកាឆ្នាំ២០២៤ នៅស្រះទឹកមួយកន្លែងក្បែរសាលារៀន ស្ថិតក្នុងភូមិសែនសិរីមង្គល ឃុំក្រយៀរ ស្រុកសន្ទុក ខេត្តកំពង់ធំ ។
ប្រភពពីសមត្ថកិច្ចនគរបាលប៉ុស្តិ៍រដ្ឋបាលឃុំក្រយៀរបានឲ្យដឹងថា ជនរងគ្រោះទាំង៣នាក់មាន៖ ១- ឈ្មោះ សុវណ្ណ ចានិកា ភេទស្រី អាយុ ១២ឆ្នាំ, ២ – ឈ្មោះ ឌី ណែត ភេទស្រី អាយុ ១៣ឆ្នាំនិងឈ្មោះ ធុន ធារ៉ា ភេទ ស្រី អាយុ ១៣ឆ្នាំ ។ ទាំង៣នាក់មានលំនៅភូមិ/ឃុំកើតហេតុខាងលើ។
មូលហេតុនេះគឺយុវតីជាសិស្សបានចេញពីសាលារៀនវិញ មិនទាន់សំដៅទៅផ្ទះវិញទេ គឺបាននាំគ្នាចុះលេងទឹកក្នុងស្រះ ក៏បណ្ដាលឱ្យលង់ស្លាប់តែម្ដង៕